Солени топчиња

Потребни состојки:

100 g варено или печено пилешко месо
150 g шунка
100 g печени кикиритки
200 g крем сирење
сусам за валање

Постапка:

Крупно сомелете ги печените кикиритки. Шунката и пилешкото месо исечкајте ги на ситни коцки. Сите состојки ставете ги во подлабок сад и темелно измешајте ги додека рамномерно се распоредат.

Сусамот пропржете го во сува тава на умерена температура додека да пушти пријатен мирис и лесно зарумени.

Со лажица црпете од смесата и со дланките обликувајте топчиња. Потоа валајте ги во пропржениот сусам.