Skip to main content

Сојузот на здруженија со лица со дијабетес апелира за итна достапност на целосна терапија без да се врши замена

Сојузот на здруженија со лица со дијабетес во Македонија (СЗДСМ), aпелира до Министерство за здравство и Владата, да се започне со испорака на сите инсулини и антидијабетична терапија по инсулинските аптеки во целост, согласно потребите и бројот на постоечки пациенти.

Апелираме до инсулинските аптеки да не нудат замена на терапија, која исклучиво треба да биде препишана од страна на ендокринолог; Апелираме до нашите членови да си помагаме со позајмици на онаа терапија која ни фали без да прифатиме нејзина административна промена во аптеките; Апелираме до сите засегнати страни да се изнајде начин за испорака на потребната терапија без било какви администартивни решенија или поточно нерешенија кои ќе ја нарушат нашата контрола на шеќерот, а со тоа ќе се наружи и нашето здравје; Апелираме до сите да не го трошат нашето трпение и разбирање за оваа ситуација за која сме свесни дека може да се избегне ако сите процеси со тендерот се започнат на време без никакви одлагања или изговори, се наведува во апелот на Сојузот на здруженија со лица со дијабетес.

Поврзани вести