Македонски
Месото е неизбежен дел од исхраната на многу луѓе, но не сите видови месо се еднакво корисни. За лицата кои имаат проблеми со висок крвен притисок и срцеви заболувања, одредени видови месо може да бидат опасни. Стручњаците предупредуваат дека некои од нив, особено оние со висок содржина на натриум, заситени масти и конзерванси, можат сериозно да го нарушат здравјето на срцето.
Популарните видови месо, како виршли, сланина и пржена пилешка се меѓу најлошите избори за вашето срце. Овие месни производи можат да придонесат за зголемување на крвниот притисок, на нивоата на холестерол и да го зголемат ризикот од срцеви болести.
Виршли: Преработено месо кое го зголемува ризикот од срцеви заболувања
Иако популарни на летните роштиљи, виршлите се едни од најлошите видови месо кога станува збор за здравјето на срцето. Според кардиологот д-р Мајкл Рос, виршлите се богати со заситени масти и натриум, кои можат да придонесат за развој на хипертензија и други срцеви заболувања. Заситените масти го зголемуваат ризикот од наталожување на плак во артериите, што доведува до стеснување на артериите и намален проток на крв. Повеќето виршли содржат и висок процент на натриум, што може да доведе до задржување на течности и дополнително оптоварување на срцето.
Сланина: Преработено месо што го загрозува здравјето на срцето
Заедно со виршлите, сланината е еден од најнездравите видови месо. Но кој не сака сланина за појадок или на скара? Но, ова преработено месо носи сериозни здравствени ризици. Според кардиологот д-р Леонард Ганс, црвеното месо, како што е сланината, може да го наруши липидниот профил и да ја зголеми опасноста од срцеви болести. Најновите истражувања покажуваат дека бактериите во цревата при разградувањето на месото произведуваат метаболит кој може да го зголеми ризикот од срцеви болести, болести на бубрезите и дијабетес. Преработеното месо како сланината и колбасите содржи нитаити и натриум, што дополнително го зголемува крвниот притисок и предизвикува воспаление во телото.
Пржено пилешко: Здрава алтернатива која е всушност многу нездрава
Многу луѓе го избираат пилешкото како поздрав избор во однос на црвеното месо, но начинот на неговото приготвување игра клучна улога во влијанието врз здравјето. Прженото пилешко, било во форма на крскави медалјони или сендвичи, носи со себе бројни ризици за здравјето. Според диететичарот Џес Федер, прженото пилешко содржи големи количини заситени масти, калории и натриум, што може да предизвика воспаление и зголемување на нивото на „лошиот” холестерол (LDL). Овие масти доведуваат до затнување на артериите, што значително го зголемува ризикот од срцеви болести. Прекумерниот внес на натриум може да го зголеми крвниот притисок, што дополнително го оптоварува срцето.
Затоа, стручњаците препорачуваат да се избегнува пржено пилешко месо и да се избере печено пиле како поздрав алтернативен избор.
