Уште два дена топло – од викендов ќе залади

Управата за хидрометеоролошки работи најавува за викендот променливо облачно време со повремени врнежи од дожд.

Локално, врнежите ќе бидат поројни и пообилни, проследени со грмежи и засилен северен ветер, а од сабота и дневната температура ќе биде во опаѓање. 

Топлото и сончево време ќе трае уште следните два дена. Во попладневните часови наместа ќе има услови за пороен дожд, грмежи и засилен ветер.