Делови од Студеничани, Кисела Вода и Аеродром под вода, откако се излеа Маркова река

Freepik

По вчерашните обилни врнежи од дожд, вчера во доцните попладневни и вечерните часови дојде до зголемување на нивото на Маркова Река која се излеа преку мостот кај Љубош и низводно, и дојдено е до поплавување на неколку куќи, магацини и индустриски објекти во селата Студеничани и Батинци, како и делови кон Пинтија, информираат од Центарпт за управување со кризи

Пријавено е и поплавување на дел од булеварот „Борис Трајковски“ кај населбата Пинтија, каде има пријави за поплавени магацини.

Од Општина Студеничани информираат дела на терел се службите на општината со локалните фирми. На терен се и службите на Општина Кисела Вода.
Во Општина Аеродром локалните служби интервенираат по пријавите за поплавени куќи во Горно Лисиче.
На терен се и противпожарните служби на Град Скопје и екипи на јавните претпријатија на градот.
АМСМ известува дека непроодни се локалниот пат од Горно Лисиче кон Долно Лисиче и првиот мост во село Батинци.
ЈСП Скопје известува дека поради поплавите од Маркова река, автобусот со број 70 сообраќа до почетна/крајна станица Дризла и автобусот со број 33 преку населба Драчево во двете насоки.
Македонски железници известуваат дека железничкиот патнички и товарен сообраќај, од 22:50 часот е во прекин во правец на Лисиче и Драчево и обратно, додека патничкиот сообраќај се одвива преку станицата Трубарево.