Македонски
Претседателот на САД, Доналд Трамп, укина 810 милиони долари од трошоците одобрени од Конгресот, соопшти Белата куќа.
Администрацијата укина 567 милиони долари услуги за бегалци, баратели на азил и други мигранти преку Министерството за здравство и човечки услуги, како и 50 милиони долари програми за помош за имигранти и странски државјани, 70 милиони долари програми за меѓународно образование и 56 милиони долари програми за домување и урбан развој, јави Си-Би-Ес.
Белата куќа соопшти дека Трамп сака да ги искористи сите достапни механизми за да ги намали, како што оцени, „расипничките и штетни владини трошоци“.
Администрацијата на Трамп ја искористи истата тактика лани за да ги поништи средствата за странска помош во висина од 4,9 милијарди долари, претходно одобрени од Конгресот. Тоа беше прв случај на „поништување“ (pocket rescission) уште од 1977 година, за време на администрацијата на Џими Картер.(МИА)
