Трамп бара од Талибанците да го вратат оружјето што американските сили го оставија при повлекувањето од Авганистан

Талибанците го отфрлиле повикот на американскиот претседател Доналд Трамп да го вратат оружјето во вредност од седум милијарди долари, што американските сили го оставија во земјата при нивното повлекување од Кабул, пишува „Блумберг“, повикувајќи се на извори.

Според информациите, Талибанците сметаат дека САД не само што не треба да го одземат оружјето, туку треа на Авганистан да му обезбедат посовремени средства за борба против терористичката организација Исламска држава.

Според „Блумберг“, Трамп се заканил дека ќе ја прекине секоја финансиска помош за Авганистан доколку не го врати оружјето и опремата што таму ги оставија американските војници.