Македонски
Шведскиот министер за одбрана, Пал Јонсон, шведската војска сака да набави крстосувачки ракети со долг дострел способни да погодат цели длабоко во други земји, како што е Русија.
Искуството од војната во Украина покажува дека Русија активно ги развива своите способности за долг дострел, и со крстосувачки и балистички ракети, како и со беспилотни летала со долг дострел. Мора да создадеме посилно средство за одвраќање од оваа закана“, изјави Јонсон.
Според извештајот на шведските вооружени сили презентиран на владата оваа недела, планирано е системите да имаат дострел до 2.000 км и да бидат погодни за напади врз воени инсталации и критична инфраструктура.
Министерот истакна дека шведските воздухопловни сили веќе нарачале шведско-германски крстосувачки ракети „Таурус“ со дострел од приближно 500 км за борбените авиони „Грипен“, но се разгледуваат и други системи.
Во извештајот, исто така, се наведува дека се очекува воената моќ на Русија да расте во следните пет години и дека Шведска треба да ги зајакне своите служби за воздушна одбрана и разузнавање, вклучувајќи беспилотни летала и шпионски сателити.
Растојанието помеѓу Москва и Стокхолм е 1.227 км.
