Македонски
Украински беспилотни летала оштетија згради, предизвикаа пожари и поттикнаа евакуација во саботата наутро во Казан, град во централна Русија на околу 1.000 километри од украинската граница, соопштија локалните власти, додавајќи дека засега нема извештаи за жртви.
Денес Казан претрпе голем напад со дронови, објави на Телеграм шефот на Република Татарстан, Рустам Миниханов.
Претходно ги напаѓаа индустриските претпријатија, а сега непријателот наутро напаѓа цивили во нивните домови, напиша тој.
Според локалните власти, жителите се евакуирани, но нивниот број не е познат.
Градските власти соопштија дека нападите предизвикале пожари во неколку населби и дека пожарникарите се на терен.
На видеата објавени на социјалните мрежи и руските медиуми се гледа како беспилотните летала погодуваат неколку високи згради и создаваат огнени топки.
АФП не можеше да ја потврди автентичноста на овие снимки.
Прес-службата на Рустам Минханов соопшти дека се евидентирани осум беспилотни летала и дека се уште нема извештаи за жртви.
Руското Министерство за одбрана ја обвини Украина дека цели на „цивилна инфраструктура“ во Казан.
Министерството соопшти дека шест беспилотни летала се неутрализирани или уништени, но не го прецизира нивниот вкупен број или дали некое од леталата стигнало до своите цели.
Казан, на брегот на Волга, постојано трпи напади од украински беспилотни летала насочени кон индустриски објекти поврзани со војската.
Градот се наоѓа на околу 700 километри источно од Москва.
Според руската агенција за цивилно воздухопловство (Росавијација), авиосообраќајот на аеродромот во Казан беше привремено прекинат утринава.
Република Татарстан на својот канал Телеграм објави дека сите поголеми јавни настани во текот на викендот се откажани од безбедносни причини.
👉 Such attacks are tragic and innocent lives should never be targeted in conflicts.😭🥲#Kazan #Terroristattack pic.twitter.com/ClWT6wPjpC
— Chandan Kushwaha (@ChandanKus4) December 21, 2024
Украина не ги коментираше овие напади.
