Македонски
Израелските сили ја нападнале електричната централа Хезијаз во Сана во Јемен, објавија јеменските медиуми блиски до групата Хути.
Британската безбедносна фирма „Амбри“ претходно соопшти дека добила извештаи за воздушни напади во областите во Јемен контролирани од Хутите, вклучително и пристаништето Рас Иса, кое е главниот терминал за извоз на нафта во Јемен, пренесуваат британските медиуми.
Засега нема информации за повредени или предизвикана материјална штета.
Хутите постојано го напаѓаат Израел со беспилотни летала и проектили и од ноември 2023 година изведуваат напади врз меѓународните бродови во водите во близина на Јемен, во знак на солидарност со Палестинците во Појасот Газа.
Израелскиот премиер Бенјамин Нетанјаху минатиот месец изјави дека Израел почнал воена кампања против Хутите.
