Македонски
Јемските Хути соопштија дека нападнале нафтена постројка во југозападниот дел на Саудиска Арабија.
Портпаролот на Хутите изјави дека со дронот е гаѓана рафинеријата „Арамко“ во градот Џазан.
Нападот е одговор на нарушувањето на воздушниот простор на Јемен од страна на саудиските дронови над провинциите Хаџа и Саада – изјави портпаролот.
Саудиското Министерство за енергетика соопшт дека избувнал пожар во рафинеријата „Арамко“ и дека нема жртви. Министерството не прецизираше што го предизвикало пожарот.
Денешниот напад на Хутите е најновиот во серијата напади со ракети и дронови насочени кон Саудиска Арабија и бродовите во Црвеното Море. Ескалацијата се заканува да ја разгори граѓанската војна во Јемен, повеќе од четири години откако прекинот на огнот ги запре борбите во таа сиромашна арапска земја.
