Инвеститори го повлекуваат своето злато од Банката на Англија поради страв од најавените тарифи на Трамп

Националната банка на Велика Британија, се соочува со одлив на златни шипки. Како што пишува „Телеграф“, по заканите на американскиот претседател, Доналд Трамп, дека ќе почне трговска војна со Европа, сопствениците на златото депонирано во Банката на Англија почнале итно да го повлекуваат своето злато.

„Телеграф“ пишва дека од крајот на 2024 година, од Банката на Англија се повлечени 8.000 златни прачки, што е околу 2% од вкупните резерви. Причината за овој феномен е заканата на американскиот претседател Доналд Трамп да воведе царини за производи од Велика Британија.

Заменик-гувернерот на Банката на Англија, Дејв Рамсден, изјави дека бројот на барања нагло се зголемил откако цените на златото на фјучерсите во Њујорк се зголемија над цената на лондонската точка.

Трговците се обидуваат да ја искористат разликата во цената поради загриженоста за можното наметнување давачки на Трамп за златни шипки. Познато е дека банката има вкупно околу 400.000 златни прачки.