Македонски
Додека градоначалникот на Општина Центар, Горан Герасимовски и лидерот на СДС, Венко Филипче, се сликаат пред шарени ѕидови, вистинската слика на Центар е срам и рар доказ е токму „свечено промовираниот“ мурал на фасада која пропаѓа, со рѓосани огради, искршени прозорци и влага по ѕидовите, вели ВМРО-ДПМНЕ во реакција на денешниот настан во Општина Центар.
Не е проблемот во младите уметници, напротив, тие заслужуваат поддршка и вистински услови. Проблемот е што Герасимовски и Филипче мислат дека со неколку бои може да го покријат срамот од децении запуштени згради, безбедносно небезбедни балкони и урбана запуштеност.
Ова не е грижа за Центар, ова е турбо-фолк бижутерија за политички пи-ар.
Граѓаните не живеат во мурали, тие живеат во згради што пропаѓаат и во маала без инфраструктура.
Време е да се престане со лажниот сјај и да се почне со вистинска работа: реконструкции, инвестиции и подобрување на животниот стандард.
Токму ваквите ефтини претстави се причината зошто СДС денес е делегитимирана и казнета од граѓаните, затоа што наместо реални решенија нуди фасадни маски и празни фотографии.
Центар бара дела, не позирања.
