Студентите на УКИМ со молк денеска го почнаа заедничкиот час на платото на Универзитетот

Студентите на УКИМ денеска во 12 часот на платото на Универзитетот одржуваат организиран заеднички час за искажување сочувство кон жртвите што настрадаа во вчерашниот пожар во дискотеката „Пулс“ во Кочани.

Како што соопштија од Универзитетско студентско собрание при УКИМ, на заедничкиот час ќе се даде и поддршка за побрзо закрепнување на повредените.

Пред студените се обрати и минисерката за образование, Весна Јаневска кој им даде поддршка и го поздрави овој начин на делување на студентите бидејќи како што рече тоа говори за нивната свесност, хуманост и значи делување не само во доброто, туку и во тагата.

Од Универзитетско студентско собрание најавуваат дека заедничката настава и собирите ќе продолжат секој ден сè до 21 март, а во однос на локациите и времето на собирите дополнително ќе информираат.