Македонски
Антикорупцискиот тим на СДСМ објави нова таканаречена бомба, тврдејќи дека семејната фирма на Томовски го „чисти буџетот“. Тие ибвинуваат за 5.3 милиони евра или како што велат, 161 тендер.
Особено им тргнало чистењето на буџетот откако ДПМНЕ дошла на власт, за 306% во2024 година! А оваа 2025 година има тендери од речиси половина милион евра. По објавување на оваа бомба, на овој скандал на власта на Христијан Мицкоски, излезе Томовски и вели да му се извиниме.
Не, нема да му се извиниме на Томовски. Кажавме и ќе повториме, не се извинуваме на тие што пумпаат пари од граѓаните! И Арсовски бараше извинување па сега никаде го нема, молчи – велат од СДСМ.
Тие тврдат дека се борат против криминалот и корупцијата.
Наместо извинување денеска ќе објавиме уште еден податок, уште еден факт, уште еден доказ. Меѓу телефонските броеви коишто се наведени во оваа семејна фирма, Сити аутсорсинг е и овој број: 078-362-710. Го проверивме овој број и погледнете чија фотографија излегува. На Ивица Томовски – обвини СДСМ.
Понатаму додаваат:
Не дека ова беше неопходно за да потврдат семејните врски на Ивица со неговиот татко
Витомир ниту пак со неговиот роднина Кутановски кои се во оваа фирма.
Затоа, Антикорупциската комисија и Јавното обвинителство мора да покренат истрага за конфликт на интерес и за корупција во врвот на владата на Мицкоски.
Кој сега ќе се извинува Томовски?
Само на граѓаните може да им се извините! Но ќе дојде и тоа, кога ќе одговарате, сите до еден!
Работата не е завршена!
