Израелски медицински експерти ќе пристигнат во Македонија по смртоносниот пожар

Израелскиот министер за надворешни работи Гидеон Саар го информираше министерот за надворешни работи на Македонија, Тимчо Муцунски, дека израелски медицински експерти ќе допатуваат во земјава за да помогнат по пожарот во кој загинаа 59 луѓе.

Саар исто така изрази сочувство „за страшната трагедија во која загинаа повеќе од 50 лица, а десетици беа повредени во пожарот“.

„Израел стои зад Македонија во овие тешки моменти“, се наведува во неговата објава на платформата Икс, каде што беа објавени и знамињата на Израел и Македонија.

Муцунски подоцна му се заблагодари на Саар преку објава на X, истакнувајќи: „Во овие тешки моменти, солидарноста на нашите партнери и пријатели е навистина непроценлива за нас“.