Директорот на ЦУК и градоначалникот Блерим Сејдиу на терен кај пожарот во општина Желино

Директорот на Центарот за управување со кризи, Мухамед Али, заедно со градоначалникот на општина Желино, Блерим Сејдиу, денеска излегоа на терен каде одблиску ја следат и координираат интервенцијата за гасење на пожарот кој зафати нискостеблеста и деградирана шума на потегот меѓу селата Церово и Групчин, во општина Желино.

Како што информираат од ЦУК, имало навремената координација од страна на Центарот за управување со кризи и брзата реакција на надлежните институции, во акцијата за гасење на пожарот се вклучиле и екипите на Територијалната противпожарна единица Тетово, авион од типот „Ер Трактор“ на Дирекцијата за заштита и спасување, како и екипи на Министерството за внатрешни работи со едно специјализирано возило – воден топ.

Со заеднички и добро координирани напори на сите ангажирани служби, пожарот е успешно ставен под контрола. Потсетуваме дека ризикот од појава и ширење на пожари во летниот период останува висок. Од особена важност е подигнување на свеста кај граѓаните за одговорно однесување во природа, со цел навремена превенција и заштита на животната средина и безбедноста на населението, информираат оц ЦУК.