Во Прилеп отворена изложбата на Стефан Анчевски

ЦК Марко Цепенков - Прилеп

Уметникот Стефан Анчевски ги претстави своите дела од изложбата „поВРЗИНО” во Ликовната галерија при Центарот за култура „Марко Цепенков“ во Прилеп. Делата на Анчевски имаат специфична уметничка визија во која се употребени различни уметнички средства, вели проф. д-р Катерина Деспот.

Според проф. д-р Слободан Раичевиќ, уметникот Анчевски „со својата поетика и слики открива дека му е близок графолошкиот пристап, кој се потпира на ликовните искуства на сликарството од 20 век. Неговиот визуелен јазик, како облик на комуникација е едноставен и единствен”.

Стефан Анчевски е визуелен и мултимедијален уметник, дипломиран на ФЛУ Скопје. Има реализирано 11 самостојни изложби, учествувал во преку 150 групни во земјава и во странство.