СВП в четврток ќе го соопшти лауреатот на „Златен венец“

Почитувани, на 27 март, Струшките вечери на поезијата ќе го одбележат почетокот на својот програмски дел со значајни настани, соопштуваат од Дирекцијата на СВП.

Во 11 часот, во МАНУ, ќе се одржи свечено прогласување на лауреатите на Струшките вечери на поезијата за 2025 година, момент на признание за најистакнатите поети и нивните творби.

По ова, традиционално ќе следи поетско читање на членови на Македонскиот ПЕН центар и на Друштвото на писателите, кои ќе ја споделат својата поезија со публиката, во чест на ова културно и поетско значајно случување.