Пијано рецитал „Скопје во петолиние 2028“ на Давид Павиќ

Во Културно-информативен центар – Скопје вечер ќе се одржи пијано рецитал „Скопје во петолиние 2028“ на Давид Павиќ. Преку својот личен уметнички израз, Павиќ ќе ги претстави делата на македонските композитори во ново светло.

Како што информира КИЦ-Скопје, се работи за македонска музичка приказна во чест на Скопје, Европска престолнина на културата 2028 век.

Овој уникатен рецитал ќе ја раскаже музичката приказна на нашиот град преку внимателно одбрани дела на македонски композитори, претворајќи го Скопје во вистинска партитура, а пијаното – во раскажувач. Рециталот претставува интимна пијанистичка нарација која го пренесува духот и енергијата на градот директно до срцето на публиката. На пијаното ќе настапи Давид Павиќ, млад, но веќе признат пијанист кој го претставува новиот бран на македонски уметници, се вели во најавата.

Со внимателно одбраниот репертоар, рециталот, како што се наведува, ќе го истакне генерацискиот премин на македонските композитори и континуитетот на музичкото изразување во Македонија.

Овој рецитал е прв целовечерен концерт од ваков вид кај нас.