Од полноќ: Поскапуваат горивата

Од полноќ стапуваат во сила нови, повисоки малопродажни цени на горивата. Цената на бензините ЕУРОСУПЕР БС-95 и ЕУРОСУПЕР БС-98 се зголемува за еден денар по литар во однос на цените утврдени на 29 јуни 2026 година. Со тоа, литар ЕУРОСУПЕР БС-95 ќе се продава за 85,50 денари, додека ЕУРОСУПЕР БС-98 ќе чини 87,50 денари.

Поголемо поскапување има кај дизелот. Малопродажната цена на ЕУРОДИЗЕЛ (Д-Е V) се зголемува за 2,50 денари по литар, па новата цена изнесува 82,50 денари за литар.

Повисока е и цената на екстра лесното масло за домаќинство (ЕЛ-1), кое поскапува за 2 денари по литар. Според новата одлука, литар од ова гориво ќе се продава по 81,50 денари, соопшти РКЕ.