Македонски
Во вечерашното издание на „Топ Тема“, претставничката на Државниот градежен инспекторат, Наташа Мирошниченко Велјановска, укажа на сериозните предизвици со кои се соочува институцијата во спроведувањето на инспекцискиот надзор. Според неа, ограничените кадровски капацитети и недоволно прецизните законски решенија ја намалуваат ефикасноста на контролите на терен.
Државниот градежен инспекторат има само четири инспектори за територијата на цела држава. Професијата е неатрактивна… Кога се работи за контрола на милионски бизниси тогаш и притисоците се поголеми, изјави Вељановска.
Таа посочи и на потребата од законски измени кои би овозможиле поголема превенција и подобра заштита при реализација на градежните проекти.
Во Законот за градење постои недостаток за обавезно приложување на проект за заштита на градежна јама при издавањето на одобрението. Мислам дека тоа ќе придонесе во спречувањето на ваквите ситуации, нагласи Вељановска.
