Македонски
Фудбалерите на Манчестер Сити, Фил Фоден и Нејтан Аке ќе го пропуштат претстојниот првенствен натпревар против Кристал Палас, изјави денеска тренерот на англискиот првак Пеп Гвардиола.
Гвардиола додаде дека неизвесниот е настапот на Мануел Аканџи.
„Нејтан нема да игра. Ќе видиме за Ману“, рече тој.
Фоден имаше бронхитис и го пропушти натпреварот во средата против Нотингем Форест, кој Сити го доби со 3-0 и стави крај на серијата од седум натпревари без победа во сите натпреварувања.
„Тој не е подготвен“, рече Гвардиола.
Аке и Аканџи беа стартери против Форест и се повредија на тој натпревар.Манчестер Сити е четвртопласиран на табелата со девет бода помалку од лидерот Ливерпул
