Сопственичката на фитнес центарот од Груд, мало место во Хрватска , во околината на Дубровник, близу границата со БиХ , ја награди својата вредна работничка со скап „мерцедес“ кој ја пречека со машна пред куќата.

Кога сопственикот на фирмата е задоволен од својот вработен, му дава поголема плата, подолга годишна плата, можеби и патување. А ако е навистина пресреќен - дајте му нов црвен мерцедес.

Лијана Бодловиќ, сопственичката на фитнес центарот 'Fitness Annie' била толку задоволна од својата вработена Дражана Палац од Груд што ја изненадила со нов автомобил кој ја дочекал пред куќата со голема машна.,

Претпочитам некој кој беше покрај мене кога немав ништо“. Заедно бевме чистачки, таа ми беше клиентка, вработена и пријателка. Можев да и се јавам на полноќ и да сметам на неа. Таа е некорумпирана личност, некој кој е секогаш покрај мене и ми ја враќа вербата дека се уште има добри луѓе, навистина добри. Среќен сум што можам да бидам нејзин пријател и што е со мене.

Би знаела скромно да спомне дека токму овој автомобил е нејзина желба и дека еден ден ќе го купи. Решив да и го подарам во знак на благодарност за се што ми дава. И верувајте, колку што се радуваше Дража, уште повеќе се израдував кога ги видов нејзините искрени солзи радосници и кога ме прегрна со срцето.

Среќата навистина се множи со споделување! Автомобилот не е ништо во споредба со бесценетиот подарок на луѓе како мојот Дража. Ѝ посакувам многу среќни километри со порака дека секогаш ќе бидам тука за неа, како и таа за мене“, изјави Лиана Бодловиќ.

Дражана беше целосно покрај себе од среќа за подарокот.

Во никој случај не се посомневав дека ми прават изненадување. Ниту во најлудите соништа, ниту 0,1 отсто“, вели Дражана Палац, која веќе шест години работи во фитнес центарот на Илијана.

„Се знаеме долго време. Кога го започна проектот, отидов кај неа на тренинг и тогаш ѝ се допадна мојот начин на работа, па ми понуди да бидам фитнес тренер во клубот - вели воодушевената Дражана, пишува hercegovina.info.

The post E, oва е газдарица: Сопственичка на фитнес клуб на вработена и подари нов „Мерцедес“ appeared first on Република.

Слободан Милошевиќ, поранешниот претседател на Југославија  имаше свој омилен автомобил со кој одел на сите важни состаноци и настани. Интересно е што возилото се користи многу години по Милошевиќ и се уште е во возна состојба.

Овој „ѕвер“ од автомобил, наречен „Слон“ е долг дури 5,25 метри и тежок два тона. Мерцедес SEL  има 5.000 кубика, V8 мотор и повеќе од 300 коњски сили. Има воздушно потпирање и адаптивни амортизери. Во тоа време, ова беше еден од најдобрите автомобили во светот.

https://www.youtube.com/watch?v=c-NJZ1qaSaA

The post Вистински „ѕвер“: „Мерцедесот“ на Слободан Милошевиќ се уште е во возна состојба appeared first on Република.

Вчеравечер во 23.55 часот на улица „Јане Сандански“ во Тетово полициски службеници од СВР-Тетово го лишиле од слобода Н.Т.(18) од Скопје.

Како што соопшти СВР Тетово,  околу 23.40 часот ги зел клучевите од патничко моторно возило ,,мерцедес“ со скопски регистерски ознаки, сопственост на неговата 26-годишна сестра, исто така од Скопје, и го стартувал. Таа се обидела да го спречи да го управува возилото, но не успеала, по што на улица „Илинденска“ Н.Т. изгубил контрола и возилото излетало од коловозот.

Неговата сестра се здобила со телесни повреди, констатирани во клиничка болница Тетово.

Увид на лице место извршила екипа од СВР-Тетово.

The post Тинејџер од Скопје сакаше да го укради „мерцедесот“ на сестра му, излета од пат и ја повреди appeared first on Република.

Оџата од Општина Арачиново за муслиманскиот празник Рамазан Бајрам добил подарок автомобил „мерцедес“ како „благодарница за неговиот придонес за арачиновци“.

„Мерцедесот“ е подарок од советници и од жители на Арачиново.

The post Оџата од Арачиново доби „мерцедес“ за Рамазан Бајрам appeared first on Република.

Тото Волф, првиот човек на Мерцедес, проговори за потенцијална замена за Луис Хамилтон, кој од следната сезона ќе вози за Ферари.

Австрискиот милионер истакнува дека многу ќе зависи од односот на актуелниот светски шампион Макс Верстапен со Ред Бул.

Прво, да видиме што сака Макс и дали ќе остане во Ред Бул. Тој секако е прв на листата на желби, изјави Волф.

The post Тото Волф, првиот човек на Мерцедес: Прво, да видиме што сака Макс Верстапен appeared first on Република.

„Мерцедес-Бенц“ ги продава своите 80 салони за автомобили во Германија, вклучувајќи го и седиштето во Штутгарт, и се сели во Кина.

Ваквата одлука е резултатат на тоа што германската индустрија е во рецесија петти месец по ред, а антируските санкции не функционираат како што се очекуваше.

Пред речиси две години, поради воведувањето на санкциите, „Мерцедес-Бенц“ одлучи да ја напушти Русија. Од тој момент состојбата во оваа компанија се влошува. Веќе на крајот на првата половина на 2022 година добивката беше намалена за 16 отсто на 6,6 милијарди евра.

Втората половина од 2022 година донесе загуби од уште 3,1 милијарди, или 13,6 отсто. Загубите од напуштањето на Русија изнесуваат 2 милијарди евра.

https://republika.mk/vesti/svet/germanskata-industrija-se-odleva-vo-stranstvo-se-poveke-kompanii-gi-selat-biznisite-poradi-podobri-uslovi/

„Мерцедес-Бенц“, сепак, и денес е профитабилна компанија, но има неколку интересни моменти. Профит имаат азиските филијали, поточно оние во Кина. Покрај тоа, најголем дел од продадените автомобили на компанијата се произведени во Кина, додека домашните, германски фабрики почнаа да носат континуирани загуби.

https://republika.mk/vesti/svet/germanija-naskoro-veke-nema-da-bide-industriska-sila-ekonomijata-se-seli-vo-drugi-zemji/

The post Мерцедес-Бенц ги продава салоните за автомобили во Германија и се сели во Кина appeared first on Република.

Мерцедес-Бенц ги одложува целите за развој на електрични возила поради слабата побарувачка. Поради тоа, германскиот автомобилски концерн ќе продолжи да произведува автомобили со внатрешно согорување.

Германскиот луксузен бренд соопшти дека нема да го испочитува својот краен рок до 2025 година електричните возила, вклучувајќи ги и хибридите, да сочинуваат 50% од целата продажба.

Недоволната побарувачка за автомобили на електричен погон ја одложи таа цел најмалку до 2030 година, соопштија од компанијата.

The post Мерцедес го одложува планот за производство на електрични возила appeared first on Република.

Техничкиот премиер Талат Џафери, во емисијата „Стадион“ на Канал 77 изјави дека тој не одлучил службениот мерцедес да биде паркиран на плоштадот Македонија, кога во еден скопски ресторан отиде да го прослави првиот ден како претседател на Владата.

Тоа беше пренос на функциите, па чинот требаше да се одбележи. Јас како премиер не водам сметка каде е паркирана колата. Веројатно тие од обезбедување не исплаирале добро каде ќе паркираат“, изјави Џафери.

Во однос на пушењето во Собранието додека ја прославуваше функцијата прв премиер Албанец, Џафери изјави дека прифаќа казна за тоа.

Јас сум човек, свесен сум дека може да се опуштан и во момент на емоција може да направам нешто. Јас не сум активен пушач, но знам да запалам. Но, тоа ми е грешка, ќе одговорам соодветно на одлуката на институцијата“, наведе тој.

The post Џафери: Не водам сметка каде е паркиран службениот мерцедес appeared first on Република.

Два дена премиер Талат Џафери, два дена парадирање наместо работа. Ако првиот ден Џафери со паркирани службени возила го чекаа пред кафеани на плоштад во пешачка зона, вториот ден тој отиде на прослава организирана по повод неговата функција во Форино.

И додека Џафери парадира, СДС и Ковачевски мора да молчат, затоа што тие го изгласаа во Собрание.СДС и Ковачевски свесно ја препуштија целокупната власт на Талат Џафери и на ДУИ, набројува Драган Ковачки.

ДУИ со 15 пратеници има премиер, а СДС со 40-тина едвај 5 – 6 министри.Ковачевски го продаде СДС, си ги продаде и сопствените пратеници за ден повеќе власт со криминалците од ДУИ.

https://www.youtube.com/watch?v=kXhLJDWfo_Y&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

Колку е ДУИ криминогена и корумпирана се гледа од најситни детали како возење на странски новинари, партиски гости на државен трошок, со државни возила од министерствата со кои управуваат нивните кадри, преку користење на просториите на институциите за приватни забави и собиранки, па се до милионските тендери за нивниот партиски донатор Еуровиа. ДУИ е криминал и корупција од најниско до највисоко ниво.

Ваква разуздана ДУИ немаше да беше можна без сервилниот Ковачевски, кој се водеше според менторствата на ДУИ.

Ковачевски е причината за сите уназадување на Македонија во последната година, матните зделки, криминалите, корупцијата, недовербата во судството и партизираноста. Ковачевски е причината поради која државата секој ден се повеќе ја губиме. Никогаш не било полошо, затоа важно е да ги поразиме.

The post ДУИ е криминал и корупција од најниско до највисоко ниво: Џафери се паркира на плоштад, неговото село му организира прослава appeared first on Република.

Германскиот производител на автомобили „Мерцедес-Бенц“ мора да повлече повеќе од 100.000 дизел-возила во Германија, поради наводи за неправилности во управувањето со испуштањето издувни гасови, соопшти Германската транспортна управа (КБА) којашто издаде известување за повлекување. Се очекува тоа да опфати околу 100.000 возила.

Повлекувањето се однесува на различни дизел-модели „Еуро 5“ и „Еуро 6-б“ каде што е потребно ажурирање на софтверот.

Причината за повлекувањето е употребата на тн. термо-прозорци, што беа во стандардна употреба и од други производители. Според наводите, употребата на термички прозорци го штити моторот.

Но, Европскиот суд на правдата (ЕСП) во 2022 година пресуди дека термичките прозорци се легални само ако нема друго решение. Судската одлука утврди дека софтверот што овозможува повисоки емисии на загадувачки материи „поголем дел од годината“ е фундаментално нелегален.

Откако проблемот излезе на виделина, „Мерцедес“ исто така неколкупати е повикан на суд. Во Германија до денес повеќе од 30.000 потрошувачи поднеле тужби. И инвеститорите своите права ги бараат на суд, барајќи стотици милиони евра компензација за загубите.

The post „Мерцедес“ ќе повелче 100.000 дизел-возила appeared first on Република.

Деновиве јавноста повторно имаше прилика да го види фамозниот владин блиндиран „мерцедес“, за кој во 2018 година Добрила Кацарска, тогашната перјаница на Кривичниот суд, спектакуларно подели неколку повеќегодишни затворски казни.

Како што е познато, случајот доби публицитет, поради набавката на „тоа на М“, како што опозицијата го нарекуваше блиндираниот „мерцедес“, алудирајќи на еден разговор од „бомбите“ на Зоран Заев, во кое поранешниот премиер Никола Груевски дава инструкции какво треба да биде блиндираното возило што требало да се набави за потребите на владата.

Тогашната опозиција ја обвинуваше владејачката ВМРО-ДПМНЕ за луксузирање, а приказната за набавката на блиндираното возило со највисок степен на заштита, какво што до тогаш државата немаше, дојде како кец на десетка. Во тоа време многу се зборуваше за тоа што значи тој луксуз и дали имало кражба, а опозицијата ветуваше дека по доаѓањето на власт „мерцедесот“ ќе го продаде и со парите ќе се купеле болнички возила. Потоа се слушна дека ова ветување мора да биде одложено, зашто „тоа на М“ наводно морало да остане во Македонија како доказ, но откако заврши целиот театар, возилото остана во употреба и очигледно е дека врши голема работа.

Исчезнаа и гребаниците од мачките на Оливер…

Пет ипол години подоцна, „мерцедесот“ не само што не е продаден, туку се користи при секоја посета на висок државник кој пристигнува во земјава, кога неговото обезбедување инсистира на повисок степен на заштита. Болнички возила не се набавени, а исчезнаа и наводните гребаници од мачките кои тогаш ги „откри“ министерот Оливер Спасовски. Доколку тоа возило не беше набавено, велат познавачите, тогаш Македонија за вакви и други прилики ќе мораше да изнајмува, како што сега ќе мора да изнајмиме 175 луксузни возила за 900.000 евра, за самитот на ОБСЕ.

Во аферата „Тенк“ настрадаа три лица: поранешниот премиер Никола Груевски, поранешната министерка за внатрешни работи Гордана Јанкуловска и поранешниот помошник министер во МВР, Ѓоко Поповски. Пет ипол години подоцна, Никола Груевски, кој беше главен таргет на овој процес, е во Унгарија во азил, поради политички прогон. Гордана Јанкуловска вчера го напушти „Идризово“, со условен отпуст, откако чесно издржа три години ефективна казна затвор. Но, првообвинетиот за набавката на блиндираниот „мерцедес“, Ѓоко Поповски, кој доби казна од 6,5 години затвор, уште е зад решетки. Цели 5 ипол години!

Практично од мај 2018, поради висината на казната, па до денес, Поповски е прво во притвор, па потоа во затвор, на издржување на казната. Единствена добра вест за него е тоа што Апелација му ја намалила казната затвор, но Врховниот суд во септември 2020 година ја потврдил казната. Тогаш, како и сега, медиумските наслови се фокусираа на позвучните имиња, иако Поповски веќе беше две ипол години зад решетки. Инаку, Судот не утврди дека Поповски, како првообвинет, остварил каква било имотна корист, а не е утврдено ниту дека фирмата којашто го набавила „мерцедесот“ остварила екстра профит.

Пендаровски проговори – никој не украл, нема штета врз буџетот!

После шест години и претседателот Стево Пендаровски призна дека „Тенк“ е процес без основа. Пред нешто повеќе од две недели, во интервју за телевизијата Телма, тој ќе изјави:

– Еве го „мерцедесот на Груевски“ по еден од тие ставови. Вели, прибавил имотна користа за себе, го оштетил буџетот или оштетил некој трет. Како е оштетен буџетот со возило кое се купува од безбедносни резони и не треба втор понудувач и ден денеска е во употреба? Како прибавил имотна корист за себе, Груевски или Гордана Јанкуловска, а ден денеска го возиме кога ќе дојде некој претседател или премиер? Еве, на 29-ти во Скопје ќе дојде (претседателката на Европската комисија) Урсула Фон дер Лајен. Ќе се вози во истиот „мерцедес“. Значи, не можете вие во таканаречени еластични норми, да бидам културен, да ставате сѐ, затоа што не можете на друг начин да осудите.

После оваа изјава на Пендаровски, дојде и Фон дер Лајен во Скопје, се повози со „мерцедесот“, но Ѓоко Поповски остана да ја издржува казната за „мерцедесот“. Една од надлежностите на шефот на државата е да внимава на функционирањето на правдата и секој граѓанин да биде еднаков пред државата. Иако Пендаровски е убеден дека во предметот „Тенк“ нема криминал, три недели нема реакција од неговиот кабинет по јавно искажаниот став. Поповски останува единствениот осуден во затвор, за случајот за кој Пендаровски смета дека нема дело за кое е осуден.

ЦЕЛИОТ ТЕКСТ НА ПЛУСИНФО

The post Урсула се вози со „тоа на М“, а Ѓоко Поповски лежи на робја appeared first on Република.

Таткото на 23-годишниот возач Јан Ерлих, кој синоќа удри во автомобил и луѓе на паркингот во трговскиот центар Супернова во Бузин, за Индекс кратко ја искоментирал несреќата. Пет лица се повредени во сообраќајна несреќа на ненајавен автомобилски собир.

https://republika.mk/vesti/balkan/uzhas-vo-zagreb-politsijata-otkriva-detali-za-hororot-na-parkiralishteto/

Неговиот татко е Јанко Ерлих-Здворжак, претседател на Здружението за повреди на ‘рбетот Загреб. Ерлих-Дворжак е лице со посебни потреби.

„Мојот син добиваше казни за брзо возење, но вакво нешто никогаш не се случило“, коментира таткото на возачот. За порталот кажал дека неговиот син Јан моментално е во полиција. На прашањето каде неговиот 23-годишен син добил скап и силен мерцедес, бидејќи е студент, Ерлих-Здворжак вели дека дел платил тој, а дел неговиот син.

„Купува и продава автомобили за да заштеди пари. Учи, но ова го прави на страна“, им рече таткото на возачот.

„Се надевам дека ваквиот шок што го предизвика нема да влијае премногу на пресудата бидејќи навистина ми е потребен и ми помага во секојдневните активности“, додава тој.

Загрепската полиција започна кривична истрага против 23-годишен маж кој влета во тројца пешаци и автомобил во кој се повредени уште две лица, по ударот со неговиот „мерцедес“ на паркингот во трговскиот центар Супернова на неофицијален собир за автомобили.

https://republika.mk/vesti/balkan/se-pojavija-snimki-od-vozachot-koj-vleta-vo-peshatsi-vo-zagreb-se-drzhel-za-glava-dodeka-lugeto-im-pomagale-na-povredenite/

Како што извести полицијата утринава, три лица се тешко повредени, а две полесно. Полициската управа (ПУЗ) во Загреб прецизираше дека 23-годишниот маж управувал „мерцедес“ со загрепски регистерски таблички и поради несоодветна брзина налетал на тројца пешаци и еден автомобил, кои потоа се судриле со друг автомобил.

The post Таткото на возачот кој со скапиот мерцедес влета во луѓе: Добиваше казни за брзо возење, но вакво нешто никогаш не се случило appeared first on Република.

На 05.05.2023 во 05.00 часот во Полициската станица Гази Баба било пријавено дека на ул.„Спиро Црне“ било опожарено патничко возило „мерцедес“ со скопски регистарски ознаки, сопственост на Е.Т. од Скопје.

Пожарот бил изгаснат, а повредени лица нема. Увид бил извршен.

The post Запален „Мерцедес“ во Гази Баба appeared first on Република.

Принцезата Дијана во текот на целиот свој живот беше верна на возилата на германскиот производител „Мерцедес“.Таа веруваше на германските модели и секогаш се возеше во нив.

Леди Ди во Мерцедес и го загуби животот во 1995 година во Париз заедно со својот партнер Доди Ал Фаед.

Во нејзина чест во музејот на „Мерцедес“ во Штутгарт е изложен и еден од моделите што и припаѓал на славната британска принцеза.

The post Британците и биле лути на принцезата Дијана затоа што секогаш се возеше во „Мерцедес“ appeared first on Република.

Српската влада преговара со германскиот автомобилски гигант „Мерцедес“, австралиско-британската компанија „Рио Тинто“ и европска финансиска институција за реализација на проект кој опфаќа изградба на фабрика за електрични автомобили, дознава белградски „Демостат“. Наводно, преговорите се сѐ поблиску до конечен договор.

Но за нивно успешно завршување услов се две работи – дали литиумот ќе се експлоатира во Србија (што е жешко политичко прашање) и каква ќе биде надворешно-политичката ориентација на властите во наредниот период.

Одлуката на германскиот гигант да отвори фабрика во Србија, со гаранции на Европската банка за обнова и развој, би била јасен показател во која насока оди Србија – кон Запад. Доаѓањето на германскиот гигант од Штутгарт би испратило силна порака до другите големи светски инвеститори за Србија како безбедна дестинација за инвестирање.

Но, услов за ова и реализација на други инвестиции од Запад кои се планираат секако е постепено усогласување со надворешната и безбедносната политика на Европската унија, што во крајна линија значи воведување санкции против Русија.

Доаѓањето на Мерцедес може да биде дел од „морковот“ што ѝ беше ветен на Србија доколку биде конструктивна во преговорите со Приштина и ако го прифати европскиот план за Косово.

Европските претставници јасно му ставија до знаење на српското раководство дека доколку Србија не го прифати европскиот план, може да очекува последици кои, меѓу другото, во голема мера ќе се одразат на економијата и стопанството. Од друга страна, доколку планот биде прифатен, Србија била информирана дека ќе добие економска помош, но и инвестиции во различни области од економијата.

The post Српската влада преговара со „Мерцедес“, „Рио Тинто“ и европска финансиска институција за изградба на фабрика за електрични автомобили appeared first on Република.

Сeлото Војници кај Љубушки е познато по големиот број на автомобили Мерцедеси и по тоа што имаа повеќе автомобили од оваа марка отколку жители. Тие други возила едноставно не признаваат.

На ова место земјоделците речиси секогаш први почнуваат да садат ран компир, но годинава повеќе од кога било досега се загрижени колку ќе биде исплатливо садењето со оглед на драстичното зголемување на цените на суровините. Парите што ќе се заработат од продажбата на компири ги користат да купат нови возила. Се разбира исклучиво Мерцедес.

Погледнете ја нивната приказна

https://www.youtube.com/watch?v=my3T-kHvQHg&embeds_euri=https%3A%2F%2Fvecernjenovosti.ba%2F154544%2Fvijesti%2Fselo-mercedesa-mjesto-nadaleko-poznato-po-mecki-i-dobrom-krompiru%2F&source_ve_path=MjM4NTE&feature=emb_title

The post Друго возило не признаваат: Во ова село во Босна се возат само Мерцедеси appeared first on Република.

Полициски службеници од Полициската станица Берово денеска го лишиле од слобода Д.Г.(36) од беровското село Митрашинци.

Како што информираа од МВР, тој се сомничи дека на 04.01.2023 околу 22.00 часот во село Митрашинци предизвикал пожар во патничко моторно возило „мерцедес“ со швајцарски национални ознаки, сопственост на Т.Н. од с.Калиманци, Виничко.

Д.Г. бил задржан во полициска станица и по целосно документирање на случајот, против него ќе биде поднесена кривична пријава.

The post Беровец запалил швајцарски „Мерцедес“ appeared first on Република.

Вчера во 18:45 часот било пријавено дека во близина на село Горобинци, во правец од Свети Николе кон Скопје, патничко возило „мерцедес“ со штипски регистарски ознаки, управувано од П.М.(45) од Свети Николе, излетало надвор од патот. Во несреќата со тешки телесни повреди се здобил возачот, констатирани во Клиничкиот центар во Штип. Извршен бил увид од увидна екипа од Полициската станица Свети Николе.

The post „Meрцедес“ излета од патот кај Свети Николе appeared first on Република.

„Мерцедес“ управуван од 71-годишник прегази 76-годишна жена во Охрид.

На 14.12.2022 околу 19.30 часот во СВР Охрид било пријавено дека на крстосница на улиците „Никола Карев“ и „АСНОМ“ во Охрид, патничко возило „мерцедес“ со охридски регистарски ознаки, управувано од Ј.Л.(71) од Охрид, удрило во Ж.Ѓ.(76) од Охрид. Во несреќата, пешакот се здобил со тешки телесни повреди, констатирани во болницата „Св.Еразмо“ во Охрид, соопштија од МВР.

Увид на местото на несреќата извршила екипа од СВР Охрид.

The post 71-годишник со „мерцедес“ прегази 76-годишна жена во Охрид appeared first on Република.

„Мерцедес-Бенц“ планира во полскиот град Јавор да изгради фабрика за производство на лесни товарни возила придвижувани со двигатели исклучиво на елекричен погон.

„Ќе изградиме фабрика за доставни возила придвижувани целосно на електричен погон во Јавор“, изјави Матијас Гајзен од „Мерцедес-Бенц ванс“.

Деловниот потег е во согласност со плановите на компанијата за реорганизација на европската производствена мрежа и „означува нова пресвртница во нејзината трансформација во обезбедувач на локална мобилност со нула-емисии“, соопштено е од компанијата.

Според изјавите од прес-конференцијата одржана со полскиот премиер Матеуш Моравјецки во Варшава, компанијата има намера да инвестира повеќе од милијарда евра во следните неколку години во фабрика што ќе биде фокусирана на производство на комбиња придвижувани исклучиво на електрична енергија.

„Утврдената локација му овозможува на Одделот за доставни возила да ги оптимизира трошоците и синџирот на снабдување, како и енергетско ефикасно производство на комбиња од новата генерација“, соопшти компанијата.

„Одлуката за локацијата и конкретната реализација на проектот сепак зависи од конечното исполнување на различни рамковни услови, вклучително и доделување грантови за инвестирање во Јавор“, додаваат тие.

„Мерцедес Бенц“ веќе има фабрика за двигатели во Јавор со повеќе од 800 вработени.

Во меѓувреме, американскиот производител на електрични автомобили „Ривиан“ ги одложи своите планови за заедничко производство на комбиња со „Мерцедес Бенц“. Иако партнерството беше објавено во септември, „Ривиан“ моментално се фокусира на други проекти, објавија и двете компании.

The post „Мерцедес“ ќе гради фабрика за електрични возила во Полска appeared first on Република.