Директорот на американската Централна разузнавачка агенција (ЦИА) Вилијам Барнс по посетата на Сараево ќе пристигне во Белград, а во главниот град на Србија ќе се сретне со локални претставници, објави телевизијата „Н1“ без да прецизира други детали.

Барнс дојде во Сараево, каде имаше средби со колеги од разузнавачката заедница, членови на Претседателството на Босна и Херцеговина (БиХ), како и со министерот за надворешни работи на Босна и Херцеговина.

Претставник на американската влада потврди за Н1 Сараево дека разговарале за прашања од заеднички интерес, кои ги вклучуваат територијалниот интегритет и суверенитет на Босна и Херцеговина.

Исто така, тие разговараа за „загрижувачката сецесионистичка реторика и постапки на претседателот на Република Српска (РС) Милорад Додик и Владата на РС“, изјави неименуван претставник на американската влада.

The post По престојот во Сараево, директорот на ЦИА оди во Белград appeared first on Република.

Делегацијата на палестинското милитантно движење Хамас вечерва ќе го напушти Каиро, каде во присуство на посредници од САД, Египет и Катар се одржаа преговори за прекин на огнот и ослободување на заложниците од Газа.

Делегацијата го доставила својот одговор до египетските и катарските посредници и сега се враќа во Доха на дополнителни консултации, соопшти Хамас, пренесува „Тајмс оф Израел“.

Во исто време, неименуван функционер изјави дека директорот на американската Централна разузнавачка агенција (ЦИА), Вилијам Барнс, итно ќе отпатува во Доха на разговори со премиерот на Катар, Мохамед Ал-Тани, додека преговорите за ослободување од заложниците се „на работ на колапс“, според „Тајмс оф Израел“.

Порталот јавува дека ќе разговараат и за привремено примирје.

Бернс е на пат за Доха на итен состанок со катарскиот премиер, со цел да се изврши максимален притисок врз Израел и Хамас да продолжат со преговорите, рекол изворот.

The post Директорот на ЦИА итно оди во Доха, делегацијата на Хамас го напушта Каиро appeared first on Република.

ЦИА во 2022 година го предупредила американскиот претседател Џо Бајден дека има 50 отсто или повеќе шанси Русија да употреби нуклеарно оружје доколку открие дека нејзините сили се десеткувани и дека незаконски анектираната територија на Крим е во опасност, пишува „Њујорк Тајмс“.

Весникот објави дека Бајден го одржал говорот „Армагедон“ на 6 октомври 2022 година во Њујорк токму поради оваа причина. Во тоа време, американскиот претседател рече дека „САД не се соочиле со можноста за Армагедон уште од Кенеди и кубанската ракетна криза“.

Во таа прилика Бајден предупреди дека рускиот претседател Владимир Путин е сериозен кога споменува нуклеарен напад.

Путин не се шегува кога зборува за потенцијална употреба на тактичко нуклеарно, биолошко или хемиско оружје, бидејќи неговата војска, може да се каже, значително потфрли, рече Бајден.

Во февруари 2022 година, откако Русија ја нападна Украина, американските разузнавачи првично рекоа дека нема докази дека Русија планира да користи оружје за масовно уништување. Но, кога Украина изврши контранапад и почна да го потиснува рускиот напредок, ЦИА предупреди дека ги пресретнала сите дискусии на руските сили за можноста за употреба на тактичко нуклеарно оружје од помал размер.

Марк Мили, поранешен началник на Здружениот Генералштаб, ја нарече ситуацијата „нуклеарен парадокс“ за САД. „Колку Украинците се поуспешни против Русите, толку е поголема веројатноста Путин да се закани дека ќе употреби нуклеарна бомба или навистина да ја употреби“, коментира Мили.

Новинарот на Си-Ен-Ен Џим Сциут добил информација од високи претставници на администрацијата на Бајден дека тимот на американскиот претседател ригорозно се подготвува за можен руски нуклеарен напад врз Украина. Висок функционер, наводно, рекол дека Советот за национална безбедност се состанал за да разговара за тоа како САД ќе одговорат на руски нуклеарен напад и како да го одвратат или спречат.

„Њујорк тајмс“ објави дека, сега кога се чини дека Русија јима предност на првите линии на фронтот, американските разузнавачки агенции повеќе не веруваат дека постои непосредна закана од нуклеарен напад.

Сепак, рускиот претседател не ја исклучи можноста за употреба на нуклеарно оружје. Во своето обраќање до нацијата, Путин рече: „Западните земји мора да сфатат дека и ние имаме оружје што може да погоди цели на нивна територија. Ова се заканува да предизвика конфликт со нуклеарно оружје и се заканува да ја уништи цивилизацијата. Зарем Западот не го сфаќа тоа?“

The post ЦИА во 2022 го предупредила Бајден дека има 50 отсто шанси Русија да употреби нуклеарно оружје appeared first on Република.

Британската разузнавачка служба активно го поддржувала формирањето на движењето Бали Комбетар (Национален фронт) во Албанија, а американското разузнавање успеало со напорите да ја поткопа албанската држава со помош на ова движење по крајот на Втората светска војна, се вели во извештајот на Американската централна разузнавачка агенција (ЦИА) од 1950 година кој е декласифициран.

https://republika.mk/vesti/balkan/izveshtaj-na-tsia-albantsite-ne-se-starosedeltsi-na-balkanot-poteknuvaat-od-azerbejdhan/

Движењето кое ја застапувало идејата за „Голема Албанија“ било вооружено од западните сили, соработувало со нацистичка Германија, а по Втората светска војна дел од неговите членови нашле засолниште во Италија, каде што биле обучени во еден од камповите.

Движењето е основано во 1939 година со идеја за ослободување на земјата од италијанската окупација, а неговото формирање кореспондира со британската политика која сакала да ги опструира италијанските намери во Албанија, Британците секојдневно биле во контакт со лидерите на Националниот фронт.

Пишувајќи за историјата на Албанија, ЦИА ги споменува нејзините државни граници, но и „етничките“. Како што истакнуваат, „во етничка смисла, Албанија зазема многу поголема површина од нејзините национални граници“ опфаќајќи ја, како што е опишано, Црна Гора (планина Румија), регионот Санџак, рамнината на косовските полиња до другата страна на Приштина, а потоа оди по реката Вардар, делумно опфаќајќи го Скопје до Титов Велес, каде што свртува југозападно кон Струга и северниот брег на Охридското Езеро.

The post Втор дел од извештајот на ЦИА: „Голема Албанија“ со делови од Македонија била голема желба на Албанците уште од пред Втората светска војна appeared first on Република.

Во извештајот од 1950 година посветен на Албанија, американската разузнавачка агенција дава кратка историја на земјата и наведува дека Албанците се преселиле од областа на денешен Азербејџан на Балканот - затоа, тие не се ниту Илири, ниту староседелци.

Во обемниот извештај на ЦИА од повеќе од сто страници за Албанија, кој беше декласифициран се тврди дека Албанците се преселиле на Балканот заедно со голема индоевропска група на народи, се вели во документот на ЦИА.

ЦИА се повикува на римскиот историчар Страбон, кој забележал дека во векот пред Христа, Албанците ја населувале областа околу реката Кура, во денешен Азербејџан, дека биле важна етничка група бидејќи можеле да соберат војска од 80.000 луѓе под оружје.

Луѓето што Страбон ги нарекува Албанци се состоеле од племиња управувани од „кралеви“  а кои биле притиснати од југ и исток и без можност понатаму ја бранат својата територија тргната во Големата преселба на народите и така стигнале до денешна Албанија.

The post Извештај на ЦИА: Албанците не се староседелци на Балканот – потекнуваат од Азербејџан appeared first on Република.

Поранешен службеник на ЦИА е осуден на 40 години затвор поради протекување податоци до кои дошол Викиликс.

Тој е осуден по повеќе обвиненија: шпионажа, компјутерско хакирање, непочитување на судот, давање лажни изјави пред ФБИ и поседување слики за сексуална злоупотреба на деца.

Џошуа Шулте ја предаде својата земја со извршување на некои од најгрозоморните злосторства на шпионажа во американската историја, рече јавниот обвинител.

Шулте ги отфрли сите обвинувања.

Обвинителите го обвинија дека ги обелоденил алатките на ЦИА „Vault 7“, кои им овозможуваат на разузнавачите да хакираат паметни телефони и да ги користат како уреди за прислушување.

Шулте (35) му дал на Викиликс 8.761 документ во 2017 година, што е најголемото нарушување на податоците во историјата на ЦИА, соопшти американското Министерство за правда.

Според Си-Ен-Ен, Шулте бил вработен како програмер во Центарот за кибер разузнавање, кој шпионира терористички организации и странски влади. Обвинителите на судењето изјавија дека во 2016 година тој ги украл информациите и ги дал на Викиликс, а потоа ги излажал агентите на ФБИ за неговата улога.

Тие рекоа дека бил мотивиран од гнев поради кавга на работното место и сакал да ги казни оние за кои сметал дека биле неправедни кон него.

Тој е во затвор од 2018 година.

The post Хакерот на ЦИА кој му даде информации на Викиликс осуден на 40 години затвор appeared first on Република.

Американската Централна разузнавачка агенција (ЦИА) се подготвува да воведе во употреба функција слична на програмата OpenAI која ќе користи вештачка интелигенција за да им овозможи на аналитичарите подобар пристап до интелигенција со отворен код, објави Блумберг.

Според агенцијата, станува збор за поширока владина кампања за искористување на моќта на вештачката интелигенција за да се натпреварува со Кина, која се обидува да стане глобален лидер во оваа област до 2030 година.

„Таа алатка за вештачка интелигенција ќе им овозможи на корисниците да го видат оригиналниот извор на информациите што ги гледаат, рече директорот на Одделот на ЦИА за отворени извори, Ренди Никсон, додавајќи дека функцијата за разговор е логичен дел од побрзата дистрибуција на интелигенција.

ЦИА не објави кој модел на вештачка интелигенција ќе користи за да ја поддржи новата алатка или како ќе ги заштити информациите од протекување на отворениот интернет. Алатката за вештачка интелигенција ќе биде достапна за разузнавачката заедница на САД од 18 агенции, која ги вклучува ЦИА, Агенцијата за национална безбедност, Федералното биро за истраги и агенции управувани од ограноците на војската, но нема да биде достапна за креаторите на политиката или јавните кампањи

The post ЦИА ќе користи своја вештачка интелегенција appeared first on Република.

Американската разузнавачка агенција ЦИА работела по план на Балканот. Во најпознатата шпионска анализа под бројот 15-90, точно се предвидени настаните по смртта на Тито, колапсот на државата и граѓанските војни. Истовремено, најавено е дека најтешките конфликти ќе се водат во БиХ и Косово, објави „Република.рс“.

Американскиот амбасадор, Ворен Цимерман, бил испратен во Југославија во 1989 година со специјална задача. Пораката што ја донел, а која од Вашингтон ја испратил заменик-државниот секретар на САД, Лоренс Иглбергер, била дека Југославија си го одслужила своето време и дека повеќе нема значење за Америка како што имаше за време на Студената војна.

Документи од 1990 година: Детален распоред на државата

- Сè почнува од Словенија на почетокот на 1990 година.

- Во Словенија, а во помала мера и во Хрватска „никнува нов национализам, свртен кон Западот“.

- Со отцепувањето на Словенија и Хрватска, Југославија ќе престане да функционира како федерална држава

- За една година веројатно се ќе се распадне

- Економските реформи нема да спречат распаѓање

- Србија ќе го блокира обидот на Словенците и Хрватите да формираат конфедерација од Југославија

- Распадот ќе продолжи и по заминувањето на Словенија и Хрватска

- Насилството ќе биде жестоко и долготрајно

- БиХ претставува најголема закана за развојот на фундаменталните етнички поделби во Југославија меѓу Србите и Хрватите во големо меѓузаедничко насилство

- Етничката мешавина во БиХ, муслиманите повеќе од 40 отсто, Србите 32 отсто и Хрватите 18 отсто од вкупното население - отсекогаш била потенцијално опасна

- По ова, ќе следи воен бунт на Албанците на Косово, кои ќе имаат поддршка од албанското малцинство во Црна Гора и Македонија.

The post Декласифицирани документи покажуваат дека ЦИА работела по план: Распадот на Југославија одел како по книга appeared first on Република.

Владин кинески функционер е осомничен за шпионажа во корист на американската Централна разузнавачка агенција (ЦИА).

Според кинеските власти под истрага е 39-годишен маж, кој бил вработен во едно Министерство. Тој додека бил на обука во Јапонија стапил во контакт со службеник од Амбасадата на САД.

Кинеското Министерство за државна безбедност наведува дека осомничениот, со презиме Хао по враќањето од обуката во Јапонија „воспоставил неколку тајни контакти со претставници на ЦИА во Кина“ и им давал информации.

The post Кинески функционер осомничен за шпионажа во корист на ЦИА appeared first on Република.

Американската централна разузнавачка агенција (ЦИА) објави листа на земји според годишната потрошувачка на чист алкохол по лице.

Според анализираните податоци од 2019 година, Куковите Острови се на прво место со просечна потрошувачка на чист алкохол од 12,97 литри. На второ место е Летонија (12,90 литри), потоа Чешка (12,73), Литванија (11,93), Австрија (11,90), Антигва и Барбуда (11,88) и Естонија (11,65).

Словенија е на 10 место (10,72 литри), Хрватска на 25 (9,64), Србија на 55 (7,45), Босна и Херцеговина на 80 (5,56), а Македонија на 97 место со 3,90 литри годишно по лице.

The post ЦИА откри дека Македонците пијат 3,9 литри алкохол годишно по лице appeared first on Република.

Директорот на американската Централна разузнавачка агенција (ЦИА), Вилијам Барнс, изјави дека незадоволството во Русија од војната во Украина е можност што се појавува еднаш во генерација за регрутирање шпиони и дека неговата агенција не ја пропушта таа можност.

Аверзијата кон војната ќе продолжи да го јаде руското раководство под постојаната државна пропаганда и практикуваната репресија, изјави Барнс, поранешен американски амбасадор во Москва, на предавање во британската фондација Дичли во Оксфордшир, Англија.

Тој додаде дека вооружениот бунт на водачот на груоата „Вагнер“, Евгениј Пригожин, го покажал корозивниот ефект врз Русија од војната на претседателот Владимир Путин во Украина.

Барнс го опиша бунтот како „вооружен предизвик за руската држава“, но рече дека тоа е „внатрешна руска работа во која САД немаат и нема да имаат учество“.

https://republika.mk/vesti/svet/shefot-na-tsia-vo-tajna-poseta-na-kiev/

The post Директорот на ЦИА: Не смее да се пропушти оваа можност за регрутирање шпиони во Русија appeared first on Република.

Шефот на ЦИА пристигнал во тајна посета на Киев, објави „Вашингтон пост“.

Според весникот, директорот на американската агенција, Вилијам Барнс, за време на неговата тајна посета на Киев, се сретнал со украинскиот претседател Володимир Зеленски и раководството на украинската разузнавачка служба.

Директорот Барнс неодамна отпатува во Украина, како што тоа редовно го прави повеќе од една година. Официјални лица од Украина му кажале на шефот на ЦИА за стратегијата за повторно заземање на територијата и почеток на преговори за прекин на огнот до крајот на годината“, „Вашингтон пост“ го цитира својот извор.

Изданието, исто така дознава дека властите во Киев му кажале на Барнс за плановите на Украина да распореди артилерија и проектили во близина на Крим за можни напади на полуостровот.

The post Шефот на ЦИА во тајна посета на Киев appeared first on Република.

Директорот на американската Централна разузнавачка агенција (ЦИА) Вилијам Барнс неодамна бил во тајна посета на Украина каде што се сретнал со претставници на украиснките служби и со претседателот Володимир Зеленски, објави „Вашингтон пост“.

За време на посетата, Барнс го потврдил американското ветување дека ќе споделуваат разузнавачки информации за да и помогне на Украина да се одбрани од руската агресија, изјавил неименуван американски функционер, пренесува Бета.

Според „Вашингтон пост“, украинските власти ги претставиле плановите за враќање на териториите окупирани од руските сили и очекувањата да започнат преговори за прекин на огнот до крајот на годината.

Патувањето на Барнс во Киев било пред бунтот на руската паравоена група Вагнер на 24 јуни.

„Вашингтон пост“ ги пренсува и тврдењата на американските официјални претставници дека САД немале никаква улога во бунтот на Вагнер. Главните американски медиуми во петокот објавија дека Барнс по побуната на Евгениј Пригожин му телефонирал на шефот на руската разузнавачка служба Сергеј Наришкин за да го увери дека САД не се вмешани во тој настан.

The post Шефот на ЦИА во тајна посета на Украина appeared first on Република.

Три месеци пред диверзантите да го бомбардираат гасоводот Северен тек, администрацијата на Бајден дознала од близок сојузник дека украинската војска планирала таен напад на мрежата на подводни гасоводи, користејќи мал тим нуркачи кои директно се пријавиле на главниот командант на вооружените сили на Украина, пишува Вашингтон пост.

Деталите за планот, кои претходно не беа откриени, беа собрани во извештај од разузнавање на европска држава и споделени со ЦИА во јуни 2022 година. Се споменуваат најдеталните докази кои ја поврзуваат украинската влада со можен напад на Северен поток во Балтичкото Море, кој американските и западните власти го нарекоа дрзок и опасен чин на саботажа на енергетската инфраструктура на Европа.

The post ЦИА криела за нападот на Северен тек appeared first on Република.

Кинескиот претседател Си Џинпинг ѝ порачал на својата војска да биде подготвена да го нападне Тајван до 2027 година, предупредува ЦИА.

Меѓународната заедница ја толкува неговата закана на два начина – дали Пекинг планира директна инвазија налик на руската инвазија на Украина или е поверојатно дека Кина полека ќе ја задушува демократијата во Тајван?

Во големото интервју за CBS, директорот на ЦИА Вилијам Барнс нагласи дека амбициите на кинеското раководство за крајна контрола на Тајван мора да се сфатат многу сериозно.

„Сепак, според наше мислење, тоа не значи дека воениот конфликт е неизбежен. Знаеме, како што е соопштено, дека претседателот Си ѝ наложил на ПЛА, кинеското воено раководство, да биде подготвено да го нападне Тајван до 2027 година, но тоа не значи дека решил да нападне во која било друга година“, објасни Барнс.

Една од причините е нивниот сомнеж во сопствените способности успешно да ја извршат инвазијата. Искуството на Путин во Украина веројатно ги засили некои од тие сомнежи.

„Мислам дека не постои странски лидер кој повнимателно го гледал искуството на Владимир Путин во Украина од Си Џинпинг. И мислам дека на многу начини тој беше вознемирен и отрезнат од она што го виде. Мислам дека беше изненаден од многу сиромашните воен настап на Русите“, тврди шефот на ЦИА.

Солидарноста и поддршката што Украина ја доби од Запад секако остави впечаток.

„Подготвеноста не само на САД, туку и на нашите европски сојузници да апсорбираат одредена сума на економски трошоци во интерес на нанесување поголема економска штета на Русија, до одреден степен го отрезни Си Џинпинг“, заклучи тој.

The post ЦИА предупредува: Си Џинпинг ѝ рекол на својата војска да се подготви за инвазија на Тајван appeared first on Република.

Директорот на американската Централна разузнавачка агенција (ЦИА) Вилијам Брнс денеска оцени дека рускиот претседател Владимир Путин, соочен со тешкотиите на неговата армија во Украина, знае дека засега не може да ја добие војната, но е уверен дека ќе ја извојува конечната победа.

Путин, според мене, денес мисли дека не може да победи веднаш, но не може себеси да си дозволи пораз, изјави Брнс за американската телевизиска мрежа Си-Би-Ес (CBS).

Според него, Путин е целосно одлучен и премногу самоуверен во својата способност „да ја исцрпи Украина“.

И наместо да размислува за излез, рускиот претседател „истрајува“, рече Брнс, кој некогаш беше американски амбасадор во Москва.

Во истото интервју, Брнс изрази загриженост за растечката воена соработка меѓу Москва и Техеран. Според него, Русија размислува да му помогне на Иран во ракетната програма и да го снабдува со борбени авиони.

Тој додаде дека оваа воена соработка се забрзува бидејќи Иранците веќе им испорачаа на Русите дронови кои биле користени во војната во Украина.

The post Путин е уверен дека ќе победи во војната исцрпувајќи ја Украина, вели директорот на ЦИА appeared first on Република.

Русија ги блокираше веб-страниците на ЦИА и ФБИ поради наводно „ширење лажни информации“. Државниот регулатор за комуникации Роскомнадзор потврди дека „го ограничил пристапот до бројни ресурси кои им припаѓаат на државните структури на непријателските земји“.

Овој потег има за цел да го запре „ширењето на материјали насочени кон дестабилизација на социјалната и политичката ситуација во Русија“, јавуваат руските новински агенции. ТАСС објави соопштение за печатот од Роскомнадзор, во кое се тврди дека ЦИА и ФБИ објавиле неточни информации кои ги дискредитираат руските вооружени сили.

За оваа одлука се уште нема коментар од Вашингтон или од американската амбасада во Москва. Русија го прогласи дискредитирањето на нејзините вооружени сили за кривично дело казниво до пет години затвор. Свесното ширење „лажни информации“ за војската е исто така кривично дело и предвидува максимална казна од 15 години.

The post Русија ги блокираше веб-страниците на ЦИА и ФБИ appeared first on Република.

Директорот на американската Централна разузнавачка агенција, Вилијам Барнс го посети Киев, каде се сретна со претседателот на Украина, Володимир Зеленски и со украинските разузнавачи, објави „Вашингтон пост“.

Повикувајќи се на изјави на неименуван функционер, весникот наведува дека за време на вчерашната посета, Барнс ги информирал украинските власти за средбата со директорот на руската служба за надворешно разузнавање, Сергеј Наришкин, истакнувајќи дека Вашингтон ја предупредил Москва да не користи нуклеарно оружје.

„Вашингтон пост“ додава дека Барнс ја повторил посветеноста на САД да ја поддржат Украина во борбата против Русија, пренесе ТАСС.

The post Директорот на ЦИА на средба со Зеленски appeared first on Република.

The post Директорот на ЦИА на средба со Зеленски appeared first on Република.

Предизвикот за Ноќта на вештерките се состои од две фотографии кои треба да ги воочите разликите.

Американската централна разузнавачка агенција (ЦИА) и оваа година објави предизвик за Ноќта на вештерките, кој се состои од две фотографии на кои треба да ги забележите разликите.

The post Oва е ЦИА тест, имате три минути да го решите appeared first on Република.