Македонски
Женската ракометна репрезентација на Македонија и во вториот пријателски натпревар против Србија доживеа пораз.
Нашите ракометарки овој пат беа поразени со 28-35 на мечот во Бор, кој е дел од ЕХФ неделата. Првиот контролен дуел Србинките го добија со 21-34.
Јанјушевиќ беше најдобра кај победникот со десет гола, додека кај Македонија, Гакидова, Ризоска и Дамјаноска дадоа по пет гола.
Овие два меча се дел од подготовките за бараж двомечот за пласман на Мундијалот во Холандија и Германија против селекцијата на Полска на 16 и 19 април.
