Македонски
Ракометарите на Вардар ја остварија 14.та победа во Суперлигата во исто толку натпревари. „Вардарци“ го совладаа Охрид со 28:26 и со тоа како непоразен останаа на првото место на табелата.
„Црвено-црните“ водство имаа во текот на целото прво полувреме, а единственото изедначување беше 1:1. Вардар најголемата предност ја имаше во 20.минута кога поведе со 12:7, но охриѓани во финишот на првиот дел намалија на 13:14. Вардар и во вториот дел имаше постојано водство, а до +5 (17:22) стигнаа во 45.минута. До крајот на натпреварот „црвено-црните“ ја зачуваа предноста.
Дмитро Хориха со 8 голови беше најефикасен на натпреварот.
На другите дуели од 14.коло беа постигнати следниве резултати: Тиквеш – Струга 32:25, Прилеп – Бутел 30:20, Радовиш – Пролет 23:30 и Еурофарм Пелистер – МРК Куманово 30:28.
Второто дерби на колото се игра утре меѓу првакот Еурофарм Пелистер и Алкалоид со почеток во 19:30 часот.
