Пелистер мисли за следната сезона,останува тунискиот репрезентативец Хосни

 Македонскиот ракометен шампион Еурофарм Пелистер за уште една сезона ја продолжи соработката со тунискиот репрезентативец Усама Хосни.

„Клубот и десниот бек се договорија за продолжување на соработката и за следната сезона и веруваме дека заедничкиот период на радости и трофеи ќе продолжи“, соопшти попладнево Еурофарм Пелистер.

Хосни минатото лето се врати во Македонија и го облече дресот на македонскиот шампион, по успешната сезона 2022/23, по која за кратко замина од Битола.

Триесетидвегодишниот Хосни со Еурофарм Пелистер има еден освоен шампионат и еден Суперкуп на Македонија. Сезонава во Лигата на шампионите Хосни настапи на 14 натпревари и постигна 24 голови.