Македонски
Македонската фудбалска репрезентација ја очекува исклучително тежок циклус во Лигата на нации, во кој ќе има можност да ги одмери силите со неколку квалитетни европски селекции.
За репрезентативецот Тихомир Костадинов, овие натпревари ќе бидат вистински показател за тоа каде се наоѓа Македонија во моментов и колку може да се носи со силни противници.
„Мислам дека ова за нас ќе биде вистински тест да видиме до каде сме во моментов, да покажеме дека можеме да се носиме и со тие репрезентации. Секако дека можам да кажам дека сите останати репрезентации се фаворити, но тоа не значи ништо. На теренот ќе се покаже сè. Мора да го дадеме максимумот на секој натпревар и мислам дека ќе се покажеме во добро светло“, вели Костадинов.
„И во офанзивата и во дефанзивата сите треба да работиме како едно. Може да се даде гол и од прекин, може и дефанзивец да го даде голот. Лично мое мислење е дека од нападот почнува одбраната, но и од одбраната почнува нападот. Сите единаесет, освен Столе, можат да го загрозат голот“, истакна Костадинов.
Посебно внимание ќе биде потребно и во завршницата на акциите. Македонија ќе мора да создава повеќе прилики, но и да ги претвора во голови доколку сака да дојде до позитивни резултати во серијата натпревари.
„Секако дека ќе работиме на тој план, да создадеме што повеќе шанси и да постигнуваме голови. Мислам дека овие четири натпревари ќе бидат вистински тест за тоа“, порача Костадинов.
Извор: Курир
