Македонски
Вечерва, во Cafe Literatura во Дајмонд мол, со почеток во 21:30 часот, ќе имате можност да го проследите концертот на ,,Симеон Ангеловски квартет”.
Симеон Ангеловски Квартет е музички проект основан во 2023 година, составен од четворица врвни музичари:
Симеон Ангеловски – бас гитара и основач на квартетот
Андреј Петровски – гитара
Давид Горгиев – тапани
Иван Иванов – саксофон
Репертоарот на квартетот се состои од шест оригинални композиции чиј автор е Симеон Ангеловски. Покрај тоа, бендот изведува и дела од познати светски артисти и композитори, како и адаптации на традиционални теми, специјално прилагодени за звучниот идентитет на квартетот.
Материјалот кој што сеуште не е официјално издаден, под наслов “Промени” (Changes), претставува музички израз на целото досегашно искуство на Симеон т.е фузија на џез, балкан, афро, соул и ориентални звуци преточени во музика преку инструментите на Давид, Иван, Андреј и Симеон кои што со нивниот музички интелект и имагинација додаваат нови нијанси. Прва песна на албумот е песната со наслов “Време” (Time), потоа “Во име на Фела” (In the name of Fela), “Вујче од Багдад” (Uncle from Baghdad) итн. Бендот е составен од џез музичари чија што заедничка идеја и пасија е љубовта кон музиката до сите нејзини убавини и мистерии низ кои што, преку овој квартет, заедно патуваат, се забавуваат и ствараат.
Симеон Ангеловски е басист, композитор и мултиинструменталист, познат по својот уникатен пристап кон музиката. Покрај работата со квартетот, тој е фронтмен и основач на Калата, каде продолжува да го истражува и проширува својот музички израз.
