Македонски
Во рамки на циклусот бесплатни проекции на македонски филмови, на 21 септември во 19:00 часот во Cineplexx ќе биде прикажан филмот „Три дена во септември“, во режија на Даријан Пејовски.
Во „Три дена во септември“, приказната ја носат Ирена Ристиќ, Камка Тоциновски и Адем Карага во главните улоги на Јана, Марика и Генц.
Нивните ликови се среќаваат во изолиран планински крај, каде случајната средба постепено прераснува во напната приказна исполнета со недоверба, тајни и сомнежи.
Покрај нив, во актерската екипа се и Милица Стојанова во улогата на Тетка Анка и Салаетин Билал во улогата на гранапчијата, како и Фатос Крејзиу, Ментор Зимберај, Блерим Ќериќи, Александар Микиќ, Кирил Коруновски и Горан Трифуновски.
