Македонски
Министерот за јавна администрација Горан Минчев упати честитка по повод Денот на независноста во која посочува дека да се биде независен значи да се гради држава со силни институции.
– Независноста не е само спомен од минатото, таа е обврска кон сегашноста и иднината. Да се биде независен значи да се гради држава со силни институции, со јавна администрација што им служи на граѓаните, со непоколебливи принципи на демократија и владеење на правото. Независноста има смисла само тогаш кога народот ја чувствува државата како своја – праведна, одговорна и европска, вели Минчев.
Додава дека денес повеќе од кога било, мора да бидеме обединети во визијата за модерна, функционална и европска држава.
– Македонија е нашиот дом, нашата иднина и нашата најголема одговорност. Денес, повеќе од кога било, мора да бидеме обединети во визијата за модерна, функционална и европска Македонија. Тоа е должноста кон генерациите што ја избраа слободата и кон генерациите што доаѓаат, се вели во честитката.
