Гори на дивата депонија Вардариште, зафатен е поголем простор, велат од ЦУК за пожарот кој ги остави Аеродром и Ново Лисиче без струја

Се работи за пожар на дивата депонија Вардариште во прашање е поголем пожар каде што е зафатен поголем простор, но можнон е и постар објект, вели директорот на Центарот за управување со кризи Мухамед Али за пожарот кој ги остави Аеродром и Ново Лисиче без струја.

Од ЦУК додаваат дека во моментот интервенираат 13 пожарникари со 5 ПП возила. Исклучени се далекуводите за Аердром и Лисиче заради пожарот.

Поради дефект на 110 киловолтна трафостаница „Аеродром” моментално поголем дел од корисниците од Аеродром и Ново Лисиче, како и дел од корисниците од централното градско подрачје, се соочуваат со прекин во снабдувањето со електрична енергија.

Од Електродистрибуција за МИА соопштија дека нивни екипи се упатени на лице место со цел санација на дефектот.