Новиот грузиски претседател: Грузија сака да стане членка на ЕУ, но процесот мора да биде заснован на меѓусебно почитување

Новоизбраниот претседател на Грузија, Михаил Кавелашвили, порача дека неговата земја сака да стане членка на ЕУ, но дека истовремено има свои интереси од кои не може да се откаже под притисок.

Грузија сака да се приклучи на Европската Унија, но само ако се почитуваат нејзините национални интереси. Процесот на интеграција мора да биде здрав, заснован на меѓусебно почитување, без двојни стандарди. Бараме заеднички јазик“, изјави Кавелашвили за ТВ каналот „Имеди“.

Претходно, премиерот на Грузија, Иракли Кобахидзе вети дека земјата ќе продолжи да се движи кон европските интеграции.