Сикорски: Полска нема да испрати своја војска во евентуална мировна мисија во Украина

Freepik

Варшава нема да испрати свој воен контингент како дел од можна мировна мисија во Украина, но ќе и „обезбеди поддршка“, изјави денеска полскиот министер за надворешни работи Радослав Сикорски.

За време на говорот на Полскиот саем за надворешнополитичките задачи на земјата оваа година, тој рече дека без Полска, обезбедувањето помош за Украина би било невозможно, имајќи предвид дека најмалку 80 отсто од целата помош за Украина поминува низ логистичкиот центар Жешов-Јасионка.

Тој изјави дека Полска обучила речиси 30.000 припадници на украинските воени сили, што е една третина од обучените од сите земји на ЕУ.

Сикорски рече дека Полска веќе и доставила на Украина 45 пакети воена помош во вредност од околу 4 милијарди евра и дека испораките се во тек како дел од 46-тиот пакет.

Полскиот премиер Доналд Туск претходно изјави дека Полска нема да испрати свои војници во евентуален мировен контингент во Украина, бидејќи е фокусирана на заштита на своето источно крило, односно на границите со Русија и Белорусија