По повод 8 Април – Меѓународниот ден на Ромите, Europe House ги претставува аудиобајките „Сјајни ѕвезди – бајки раскажани од Ромите од Европа“

ЕУ Хаус

Дали знаете дека Ромите, со околу 12 милиони луѓе, се најголемото малцинство во Европа? А нивната култура – од музика и танц, до јазик и раскажувачка магија – е нешто што навистина го збогатува нашето заедничко европско ткаење.

По повод 8 Април – Меѓународниот ден на Ромите, Europe House мрежата ви ја претставува оваа заедничка активност: аудиобајките „Сјајни ѕвезди – бајки раскажани од Ромите од Европа“ – достапни сега за слушање на ромски, македонски и албански јазик.


Веруваме во почитување на различноста, во вредноста на културите што ја градат Европа, и затоа што сакаме да го поддржиме гласот на оние што премногу често се игнорирани – а имаат толку многу да раскажат. Нурнете и подлабоко во нивната култура преку кратките илустрации „Ромите во Европа и во Република Македонија“ кои ги промовиравме лани по повод Меѓународниот ден на Ромите, преку мрежата на Europe House.

Ромскиот јазик е јазик на живо зборување. А слушањето бајки на ромски не е само магично – тоа е начин за зачувување на јазикот, идентитетот и традицијата.

Подготвени за мал пат низ светот на имагинацијата?
▶️ Слушни ги бајките на ромски јазик
▶️ …на македонски
▶️ …или албански

Оваа иницијатива ја реализираме во соработка со Самоглас – дигитална платформа за аудиокниги, а книгата е креирана како дел од тригодишен проект поддржан од Европската комисија.Текст обработен од Здружение „Југендстил“. Илустрациите се од Петрос Филипидес, Грција.

Слушни барем една бајка. Сподели ја со некого. Дај глас на приказните што нѐ поврзуваат.