Македонски
Во моментов ниту еден не е сопственик на Соравија, ниту јас, ниту Хано Соравија нити пак Ник Назар Мехмети, говореше во интервјуто за „Република“ Дрин Ахмети.
Тој уште во јануари призна дека во овој случај работите се премногу комплицирани. Оваа негова изјава добива на значај откако вчера извршителот Андреја Буневски по барање на доверител за спроведување на извршување од над 930 илјади евра, ја стави на продажба деловната зграда „Соравија“.
На Сорвија не сум сопственик, а не се ниту Хано Соравија и Низ Назар Мехмети, тврдеше Ахмети за “Република“.
Да, комплиирани се. Бидејќи во Македонија луѓето мислат дека секоја трансакција е толку проста, одите некаде како да купувате некоја мала продавница за слатки, плаќате и ја земате тапијата. Големите бизниси не функционираат на тој начин. Тоа е друга структура. Засега тапијата му припаѓа, и понатаму е на г-динот Хано Соравија. Но ние работиме на договор. Извршивме плаќања кон него и тоа е прашање на процедура, прашање на време на обработка на договорот од различни јурисдикции кои се вклучени во зделката и за неколку недели таа ќе биде затворена и ќе има нов сопственик. Овој сопственик е фонд. Тоа ќе биде структура наречена „Гондолинг капитал“, која е основана од мене, но има многу инвеститори, вклучително и институционални инвеститори. И тоа е целата приказна.
