Универзитетското студентско собрание при УКИМ повикува утре во 12 часот на оддавање почит на жртвите

Универзитетското студентско собрание при УКИМ повикува утре во 12 часот на оддавање почит на жртвите.

„Драги колеги, професори и граѓани, придружете ни се утре од 12:00ч на платото на Општествен кампус за заедничко оддавање почит и изразување поддршка за жртвите на трагичниот пожар во дискотеката “Пулс” во Кочани.

Изразуваме најдлабоко сочувство до семејствата на починатите и посакуваме брзо закрепнување на повредените.

Дополнително ќе известуваме за оддавање почит во текот на наредните денови“, се вели во нивната објава.