Апел на Институтот за психологија при Филозофскиот факултет до медиумите да се воздржуваат од сензационалистички начин на информирање

Институтот за психологија при Филозофскиот факултет во Скопје, апелира до сите медиуми да се воздржуваат од сензационалистички начин на информирање и од генерализирање на настанот на колективно ниво, бидејќи на тој начин се интензивира траумата на сите граѓани во државата, а најмногу на блиските на настраданите. Во овие моменти, најважно е медиумите строго да се придржуваат кон Етичкиот кодекс на новинарите за начините на известување во несреќи, како и да придонесат во давање поддршка на настраданите, на нивните блиски и на сите граѓани.