Македонски
Вчеравечер во 23.30 часот, полициски службеници од ОВР Гостивар го лишиле од слобода Д.М.(21) од Гостивар, кој бил пријавен од неговата 25-годишна сестра дека, тој, во договор со нивниот татко, кој се наоѓал со работа во странство, подолг период противправно ја држел затворена и не ѝ дозволувал да излегува од семејниот дом.
Како што соопшти СВР Тетово, тој бил задржан во полициска станица и по целосно документирање на случајот, против него ќе биде изготвен соодветен поднесок.
