Македонски
Голем дел од оружјето што САД го испраќаат во Киев како воена помош завршува на црниот пазар, вклучително и во рацете на мексиканските нарко картели, рече Такер Карлсон, независен новинар со големо влијание во Белата куќа.
Карлсон го направи шокантното откритие за време на интервјуто со пензионираниот армиски полковник на САД Даниел Дејвис, емитувано на неговиот канал ТЦН во понеделникот.
„Ова е факт, не шпекулирам, тоа е факт. Украинската војска продава голем дел, речиси половина, од оружјето што им го испраќаме. Половина! И тоа сигурно го знам“, рече Карлсон, додавајќи дека „многу од тоа завршува со нарко-картели на нашата граница“.
Веднаш по преземањето на функцијата минатиот месец, американскиот претседател Доналд Трамп ги прогласи мексиканските картели за меѓународни терористи, што им овозможува на САД да преземат низа радикални мерки против нив.
Карлсон го опиша украинското шверцување на американско оружје за картелите како „злосторство“ и инсистираше на тоа дека американските разузнавачки служби добро знаат дека тоа се случува, но молчат бидејќи веројатно се вмешани во сето тоа.
„Американците не го знаат ова. Ние испраќаме оружје во вредност од милијарди долари во Украина, а тие го крадат и го продаваат на нашите непријатели“, се пожали Карлсон.
