Тројца полицајци се повредени на антивладините протести во Тирана

Тројца полицајци се повредени за време на вечерашните демонстрации во Тирана, јавува албанската ABC News. Тие биле повредени откако демонстрантите фрлале факели врз полицајците. Повикувајќи се на официјални извори, албанскиот новинар Ервин Лека изјави дека еден од полицајците е повреден во окото, еден во раката, а друг во лицето. Факелите ги фрлаа демонстрантите собрани на плоштадот на протестот што го повика лидерот на опозицијата Сали Бериша, веднаш откако тој зеде збор на протестот.

Поранешниот претседател на Албанија и лидер на Партијата на слободата, Илир Мета им се обрати на насобраните од затворот и им порача да не гласаат за премиерот Еди Рама на 11 мај.

Мета беше уапсен во октомври поради наводна корупција и непријавување имот, како и активности за лобирање во САД.

Massive anti-government protest in Tirana Albania. The narco-state is shaking. Go ahead Albania towards a democratic future! pic.twitter.com/0jmRmByJ7l

— Edith Harxhi (@EdithHarxhi) February 8, 2025