Македонски
Натпреварот меѓу Вардар и Алкалоид од 10. коло во ракометната Суперлига ќе се одигра во СЦ „Борис Трајковски“, наместо во малата сала во СЦ „Јане Сандански“, како што првично беше најавено.
Градскотото дерби е закажано за 14 ноември (сабота), со почеток во 18:30 часот.
Првично, поради зафатеноста на поголемите спортски објекти во Скопје, беше предвидено средбата да се одигра во малата сала во СЦ „Јане Сандански“.
Сепак, по дополнителни разговори и организациски усогласувања, беше пронајден соодветен термин во СЦ „Борис Трајковски“.
Од Вардар упатија благодарност до раководството и вработените во спортскиот центар за нивната подготвеност и ангажманот околу организацијата на натпреварот.
Промената на локацијата ќе овозможи дербито да се одигра во поголем капацитет и пред поголем број навивачи, што е добра вест за сите љубители на ракометот.
