Македонски
Менаџерот на Манчестер Јунајтед Мајкл Керик по серијата слаби резултати е под голем притисок и сè почесто се зборува за негово заминување. „Црвените ѓаволи“ немаат победа на осум натпревари, а последната е на 10.септември во Лигата на шампионите против Сабах и во Премиер лигата го имаат победено само Ипсвич.
Во сабота во првиот дуел од 9.коло од Премиер лигата Манчестер Јунајтед гостува во Лондон кај Челзи.
– Тука сум да работам најдобро за тимот. Сакам да напредуваме и да ги поправиме работите. Не сум изненаден што и натаму сум на оваа позиција, изјави Керик.
Тој се осврна и на моментот што Бруно Фернандеш во претходното коло остана на клупата за резерви.
Керик кој ланската сезона ја заврши со солидни резултати и беше привремено решение доби договор, ја има поддршката од навивачите кои по поразот од Борнмут го испратија со аплауз, а фудбалерите со свирежи. Тој потенцираше дека играчите се подготвени за триумф.
