Македонски
Постојат градови во кои се враќаме затоа што знаеме што нѐ очекува таму. И постојат градови што нѐ изненадуваат при секое ново доаѓање.
Белград е токму таков – познат по енергијата, гостопримството, гастрономијата и средбите што траат подолго отколку што сте планирале, но истовремено и град што постојано се менува и открива нови лица.
За многу гости од регионот Белград одамна е омилена дестинација за кратки патувања во текот на целата година. Прошетката по Калемегдан, улицата Кнез Михаилова, боемската атмосфера на Скадарлија, Храмот „Свети Сава“, Ада Циганлија и Земун остануваат места на кои посетителите секогаш им се враќаат.
Но денес постои уште една причина повторно да го откриете.
Ново лице на престолнината во пресрет на ЕКСПО 2027
Во 2027 година Белград ќе биде домаќин на Специјализираната светска изложба ЕКСПО 2027, еден од најголемите меѓународни настани што ќе обедини земји, култури и посетители од целиот свет. Речиси 140 држави веќе го пријавија своето учество, а за време на одржувањето на манифестацијата од 15 мај до 15 август 2027 година се очекуваат милиони посетители.
Но подготовките за ЕКСПО не се само одбројување до големиот настан – тие веќе денес се покана да го запознаете Белград во ново издание.
Градот добива нови простори, содржини и атракции што го менуваат секојдневниот живот и го збогатуваат искуството на посетителите. Покрај новиот ЕКСПО-комплекс во Сурчин, националните павилјони, населбата за учесниците и Националниот стадион, бројни проекти остануваат како трајно наследство на градот и нови места за средби за идните генерации.
Поглед на Белград од нова перспектива
Една од новите атракции на престолнината е Belgrade 360° Deck, панорамски видиковец на 41. кат од Кулата Белград, највисоката зграда во Србија и регионот.
Од височина од околу 155 метри се пружа поглед од 360 степени кон градот, сливот на Сава и Дунав и препознатливите симболи на Белград. До видиковецот се стигнува за само 25 секунди, а посетителите ги очекуваат и интерактивни содржини, телескопи за набљудување на градот, изложбени програми, кафе-бар и простор за запознавање со приказните за Белград.
Нов ритам на градот покрај реката
Реките отсекогаш биле дел од идентитетот на Белград, а во последните години бреговите на Сава и Дунав станаа едни од најживите места за престој во градот.
Сава Променада и Белград на вода донесоа нова енергија во овој дел од престолнината – простор за прошетки, рекреација, дружење, гастрономија и уживање покрај реката.
Тоа е Белград што ги поврзува своите препознатливи симболи со новите урбани содржини.
Магијата на вкусовите: од старите кафани до модерните гастро-квартови.
Една од причините поради кои луѓето секогаш му се враќаат на Белград е неговата гастрономија.
Тука сѐ уште живеат кафаните со традиција, домашните вкусови и атмосферата поради која ручекот често прераснува во дружење што трае со часови. Но покрај нив се развива и сосема нова гастрономска сцена.
Современите ресторани, авторските концепти и новите места за собирање покажуваат поинакво лице на градот.
Hangar Food Market во Нов Белград, сместен во просторот на обновениот хангар на поранешниот аеродром, обединува повеќе од 30 ресторани и различни кујни од светот, додека Gastrošor во Долен Дорќол носи спој од ресторани, барови, пивници, отворени простори и креативна урбана атмосфера.
Од традиционална кафана до модерен гастро-кварт – Белград денес нуди вкусови за секоја нова посета.
Меѓу проектите што дополнително ја менуваат креативната сцена на градот се издвојува и Ложионица, иден центар на креативните индустрии, додека Expo Playground на Белградскиот саем веќе сега носи дел од атмосферата што води кон ЕКСПО 2027.
Повеќе од дестинација – место на средби
ЕКСПО 2027 означува ново поглавје во развојот на Белград, но она што овој град го прави посебен останува исто.
Тоа се разговорите што се продолжуваат, вечерите што немаат планиран крај, познатите вкусови, новите места и чувството дека сте во град што лесно ве прифаќа.
За гостите од регионот Белград никогаш не бил само уште една дестинација.
Бил и останал место на средби.
Доживејте го Белград во пресрет на ЕКСПО 2027.
Познато чувство. Нова енергија.
