Македонски
Соединетите Американски Држави забрзано преместуваат дел од дипломатите и членовите на нивните семејства од повеќе земји на Блискиот Исток поради предупредувањата од разузнавачките служби дека Иран ги интензивира плановите за напад врз американски персонал, објави Cи-Ен-Ен, повикувајќи се на повеќе извори запознаени со ситуацијата.
Во меморандумот од 23 октомври испратен до американскиот државен секретар Марк Рубио, се наведува дека американските разузнавачки служби утврдиле дека Иран „значително ги зголемил своите напори за таргетирање на американскиот персонал“ и дека неговите планови за напад достигнале напредна фаза на Блискиот Исток и во некои други земји.
Американскиот Стејт департмент потврди дека привремени промени во персоналот ќе бидат спроведени во амбасадите на Либан, Обединетите Арапски Емирати, Катар и Јордан.
