Во Штип за една недела регистрирани 22 случаи на грип или слични на грип

Во Општина Штип пријавени се 22 случаи на групни пријави за заболени од грип или заболувања слични на грип, се вели во денешната писмена информација од Центарот за јавно здравје-Штип. Во информацијата се наведува дека во однос на возраста, 17 лица се на возраст од 15-64 години, четири заболени лица се пријавени во возрасната група над 65 години и едно лице кај деца на возраст од 5-14 години, додека не се регистирани заболени лица во возрасната група од 0-4 години.

Заклучно со втората недела од 2025 година, во општина Штип пријавени се вкупно 40 случаи на групни пријави за заболени од грип/заболувања слични на грип, се вели во соопштението од Центарот за јавно здравје-Штип.

Посочуваат и дека се забележува зголемување на бројот на заболувања слични на грип, кој сè уште е под неделната граница за сезонска активност.