Четворица жители на гевгелиско приведени поради незаконит лов

На 11.01.2025 околу 14.30 часот во близина на место викано Караула Моин, полициски службеници од Полициската станица за граничен надзор и граничен премин Богородица ги лишиле од слобода О.И.(26), К.К.(53), Д.Т.(35) и Ж.У.(25), сите од гевгелиско, поради постоење основи на сомнение за сторено кривично дело „незаконит лов“ и „недозволено изработување, држење и тргување со оружје или распрскувачки материи“. Имено, при извршена контрола, кај О.И. била пронајдена ловна пушка „сухл“ и два ловечки патрона, кај К.К. ловна пушка „застава“ и девет ловечки патрони, а кај Д.Т. ловна пушка карабин „застава“ и 12 куршуми, како и други предмети. Известен бил јавен обвинител и по целосно документирање на случајот ќе следува соодветен поднесок.