Надворешнотрговската размена во јануари со пад од над 8 проценти

Вкупната вредност на извозот на стоки од Република Македонија, во јануари 2026 година, изнесувала 530.7 милиони евра и бележи пад од 8.3 % во однос на истиот период од претходната година. Вредноста на увезената стока, пак, изнесувала 794.9 милиони евра, што е за 6.4 % помалку од јануари 2024 година, соопшти Државниот завод за статситика.

Во извозот најголемо е учеството на: катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, деловите на седишта и други катализатори на носачи.

Во увозот најмногу се застапени: платината и легурите на платина, необработени или во прав, другите метали од платинската група и нивни легури, необработени или во облик на прав, нафтените масла и маслата добиени од битуменозни минерали (освен сурови) и електричната енергија.

Во јануари 2026 година, според вкупниот обем на надворешнотрговската размена, најмногу се тргувало со Германија, Велика Британија, Кина, Грција и Србија, кои учествуваат со 52.0 % во вкупниот обем на размената. Земјите членки на Европската Унија учествуваат со 57.1 % во вкупната размена.