Македонски
Тренерот на Астон вила, Унаи Емери, се осврна на поразот од 1:4 синоќа во 29. коло од англиската Премиер лига.
– Челзи одигра фантастичен натпревар, а првото полувреме беше клучно. Се браневме и се обидувавме да ја вратиме топката, но „сините“ имаа многу добра структура и комбиниран фудбал, и создадоа шанси. Кога Челзи го постигна вториот гол, играта се промени. По третиот и четвртиот гол, работите станаа потешки. Разликата меѓу нив и нас е сè уште три бода, но не сме во најдобра позиција во моментов.
Астон Вила сега има време да ги сврти работите, а единствениот начин што го знам е да најдеме решенија за да ја вратиме нашата самодоверба, нашата енергија и нашата тактичка структура. Тоа е сега моја одговорност. Имаме два месеца за да избориме учество во европските натпреварувања следната сезона, изјави Емери за „Би-би-си.
